سکول کا ناہموار راستہ ، بارش سے پھسلن ،اساتذہ ،طلبہ کا مظاہرہ

موٹر سائیکل سے گرکر کلرک زخمی ،پیدل سکول پہنچنا بھی دشوار ،نوٹس لینے کا مطالبہملتان (خصوصی رپورٹر) گورنمنٹ ہائی سکول چک 4آر ایس شجاع آباد کے ناہموار راستے پر بار ش کے باعث پھسلن سے موٹر سائیکل سلپ ہونے پرسکول کا کلرک گرکر زخمی ہو گیا ۔ بتایا گیا ہے کہ جونیئر کلرک محمد افضل ایک ماہ قبل بھی روڈحادثہ میں زخمی ہوا تھا ۔ اس صورتحال پر اساتذہ و طلبہ نے احتجاجی مظاہرہ کیا اور کہا کہ سکول کے ایک طرف ریلوے لائن ہے تو دوسری طرف ایکسپریس وے پرانا شجاع آباد روڈ ہے ۔ 100میٹر ناہموار رابطہ سڑک نشیب میں ہے ۔بارش ہونے پر سکول کا راستہ بند ہوجاتا ہے ۔پیدل پہنچنا بھی محال ہو تاہے ۔ اس کے علاوہ سکول کے قریبی گندا نالہ میں کئی بچے گر کر زخمی ہوچکے ہیں ۔انہوں نے حکام سے نوٹس لینے کا مطالبہ کیا ہے ۔